Զբոսաշրջիկներ տեղափոխող ավտոբուսն ընկել է Հնդկաստանի Խիմաչալ-Փրադեշ նահանգի շրջաններից մեկի ձորը, ինչի հետևանքով զոհվել է առնվազն 11 մարդ, 40-ը ստացել է վնասվածքներ։ Այս մասին հաղորդում է Times of India-ն։
«Բոլոր 11 զոհվածները զբոսաշրջիկներ են, զոհերի թիվը կարող է աճել», — ասել է տեղի ոստիկաններից մեկը։
Տեղի բնակիչներն օգնել են՝ վիրավորներին դուրս բերել ձորից, մինչև դեպքի վայր են ժամանել ոստիկաններն ու փրկարարները։
