Հնդիկ գուրուի կողմնակիցները որոշել են սառեցնել նրա մարմինը` հույս ունենալով, որ մի օր նա կվերադառնա: Հնդկական Indian Express թերթը գրել է, որ հունվարի 29-ին Փենջաբ նահանգի Նուրմահալ քաղաքի հիվանդանոցի բժիշկները հաստատել են գուրու Աշուտոշ Մահարաջի մահը:
Այնուհետև նրա կողմնակիցները գուրուի մարմինը տեղավորել են սառնարանում, որտեղ նա գտնվում է մինչև այսօր: Նրանք հույս ունեն, որ շուտով Մահարաջը դուրս կգա մեդիտացիոն վիճակից և կվերադառնա կյանքի: Մոտ 80 ոստիկաններ հսկում են այն շենքը, որտեղ գտնվում է գուրուի մարմինը:
