ԱԺ-ում քիչ առաջ քվեարկության պետք է դրվեր կուտակային կենսաթոշակների մասին օրենքի պարտադիր բաղադրիչը հանելու, օրենքը վերնայելու եւ օրենքի կիրառումը մեկ տարով հետաձգելու առաջարկը:
Քվեարկությունից առաջ ՀՀԿ պատգամավոր Գալուստ Սահակյանը հայտնեց, որ ԱԺ-ի մեծամասնություն կազմող խմբակցություններըˋՀՀԿ-ն եւ Օրինաց երկիրը դեմ են քվեարկելու օրենքին:
ՀՅԴ խմբակցության պատգամավոր Աղվան Վարդանյանը առաջարկեց 20 րոպե ընդմիջում հայտարարել եւ նոր քվեարկությանը մասնակցել:
Հիշեցնենք, որ օրենքը վերանայելու առաջարկը ներկայացրել էին ԱԺ-ի ՀՅԴ, ԲՀԿ, ՀԱԿ եւ Ժառանգություն խմբակցության պատգամավորները:
Այժմ 20 րոպե ընմիջում է: ՀՀԿ փոխնախագահ Էդուրադ Շարմազանովը նշեց, որ այս 20 րոպեյավ ընթացքում իրենք իրենց որոշումը չեն փոխելու եւ դեմ են քվերարկելու օրենքը վերանայելու կամ հետաձգելու առաջարկին:
Լիլիթ Առաքելյան
