Ամերիկյան Իլինոյս նահանգում բազմաթիվ պտտահողմերի պատճառով կան զոհեր և վիրավորներ, ավերվել են բնակավայրեր։ Այս մասին հաղորդում է Associated Press գործակալությունը։
Հայտնի է 5 զոհի մասին։ Միայն Պեորիա քաղաքի հիվանդանոցներ են տեղափոխվել 37 հոգի։ Շատերի մոտ կոտրվածքներ են և գլխի վնասվածքներ։ Եղանակային պատճառներով երեկ մի քանի ժամով դադարել են գործել Չիկագոյի երկու խոշորագույն օդանավակայանները։ Դադարեցվել են խոշոր մարզական միջոցառումները։
