Ալեն Սիմոնյանն իր ֆեյսբուքյան էջում գրել է.
Կրկին խոսում են տրանսպորտի թանկացման մասին։ Ի դեպ, իշխանամերձ բոլոր օղակները քմծիծաղ տալով նշում են, որ այս անգամ քաղաքապետարանը «պատրաստված» է լինելու: Ինչի՞ն է պատրաստված լինելու, փող չունեցող քաղաքացուց գումարը այնուամենայնիվ վերցնելո՞ւն։
Իրոք, որ հզոր է, լավ պատրաստվեք՝ հիմնովին, քանզի վստահ եմ, որ այս խնդիրը 50 դրամից դուրս է գալու դեպի ավելի բարդ բաներ: Վստահ եմ, որ չեն օգնելու ո՛չ ուժային, և ո՛չ խուլիգանական մեթոդները:
Ու, եթե ամիսներ առաջ փողոցներում, ընդհանուր առմամբ, կար մի 4000 մարդ, ապա այս անգամ այդ թիվը դառնալու է քառապատիկ շատ: Իսկ ձեր սովետական ուղեղները չեն կարողանալու իրենց արագությամբ և կրեատիվով մրցունակ լինել:
Այ, մի բան է, որ չգիտեմ՝ Տարոն Մարգարյանը թանկացման մասին կհայտարարի ամանորյա ուղերձից առա՞ջ, թե՞ դրանից անմիջապես հետո:
