Դերասան Վարդան Պետրոսյանի փաստաբան Նիկոլայ Բաղդասարյանը Araratnews.am-ի հետ զրույցում նշում է, որ դեռեւս իրեն չեն տրամադրել Վերաքննիչ դատարանի որոշումըˋ դերասանին կալանքի տակ պահելու վերաբերյալ:
Նշենք, որ նոյեմբերի 21-ին Վերաքննիչ դատարանը մերժեց Վարդան Պետրոսյանի խափանման միջոց կալանքը փոխելու մասին փաստաբանի միջնորդությունը:
«Երեք օրում պետք է որոշումը ինձ տային, բայց դեռ չեն տվել: Բացի այդ, դատարանը ոչ մի հիմնավորում չի ներկայացրել, թե ինչու պետք է կալանքի տակ պահեն: Իսկ եթե դատարանը չի նշել ոչ մի հիմնավորում, նշանակում է հիմք չկա, որ կալանքի տակ պահեն Վարդան Պետրոսյանին»,- ասում է Բաղդասարյանը:
Նա նշում է, որ հետագա քայլը լինելու է Վճռաբեկ դատարան բողոք ներկայացնելը, իսկ եթե դա էլ չբավարարվի, դիմելու է միջազգային դատական ատյաններ:
«Վարդան Պետրոսյանը դեռեւս բուժման կարիք ունի, եւ վերաքննիչի որոշումից հետո տեղափոխվել է դատապարտյալների հիվանդանոց»,- հավելում է Բաղդասարյանը:
Լիլիթ Առաքելյան
