Դորտմունդի «Բորուսիայի» կիսապաշտպան Հենրիխ Մխիթարյանը СЭ-ի թղթակցի հետ զրույցում ասել է, որ մշտապես շփվում է «Սպարտակի» հարձակվող Յուրա Մովսիսյանի հետ՝ մաղթելով Հայաստանի հավաքականի իր խաղընկերոջը տեղափոխվել արևմտյան լավ մի թիմ։
-Որքա՞ն հաճախ եք շփվում Յուրա Մովսիսյանի հետ։
-Մենք ընկերներ ենք, միասին ենք խաղում հավաքականում։ Զրուցում ենք հեռախոսով, միշտ էլ իրար հետ քննարկելու շատ բան ենք ունենում։ Ես շատ ուրախ եմ, որ նա «Սպարտակում» լավ է խաղում, շատ գոլեր է խփում։ Եվ դրանում զարմանալի ոչինչ չկա. Յուրան բարձրակարգ ֆուտբոլիստ է։ Ցանկանում եմ նրան տեղափոխվել արևմտյան լավ մի թիմ. Եվրոպայում ֆուտբոլի մակարդակը, այնուամենայնիվ, ավելի բարձր է։
-Վերջերս տեղեկություններ են եղել, որ Մովսիսյանը կարող է հայտնվել որևէ գերմանական թիմում։
-Լսել եմ։ Եթե նրա հանդեպ իրապես հետաքրքրություն կա, և նա տեղափոխվի Բունդեսլիգա, ամեն ինչով կօգնեմ։
-Դուք հնարավորություն ունե՞ք տեսնելու նրա խաղերը «Սպարտակում»։
-Այո։ Տեսել եմ, օրինակ, «Լոկոմոտիվի» հետ խաղը, որում սպարտակցիները պարտվեցին 1։3 հաշվով։ Բայց դրա հետ մեկտեղ ուրախացա Յուրայի համար, որը իր թիմի միակ գնդակն էր խփել։
