Թեեւ վարչապետ Նիկոլ Փաշինյանի մամուլի խոսնակ Վլադիմիր Կարապետյանը երեկ պարզաբանել էր կառավարության անդամների «թաքուն» բարձրացված աշխատավարձերի՝ մամուլի հրապարակումը, կառավարության ղեկավարի այս որոշումը քննարկվում է:
Հիմնական հարցը հետեւյալն է՝ ինչո՞ւ է երկրի ղեկավարը որոշել նախարարներին, փոխնախարարներին, մարզպետներին տալ նրանց աշխատավարձից ավելին եւ այն էլ գաղտնի:
Araratnews.am-ն այսօր կրթության, գիտության, սպորտի եւ մշակույթի նախարարի տեղակալ Արա Խզմալյանին հարցրեց՝ ինչպիսի՞ն է նրա կարծիքը այս երեւույթի վերաբերյալ: Նա հղում արեց վարչապետի խոսնակի հայտարարությանը, ապա ասաց. «Մենք առավոտից երեկո լրջագույն խնդիրների մեջ ենք: Հասարակությունը պետք է դառնա նման որոշումների խրախուսողը: Դա շատ բնական եւ ճիշտ որոշում է»,- ասաց փոխնախարարը:
Մանրամասները՝ տեսանյութում:
Սոնա Դավթյան
