Ձմեռային զորակոչի շրջանակներում ստեղծված հանրապետական զորակոչային և կենտրոնական բժշկական հանձնաժողովների կազմում նոր ներկայացուցիչներ կներառվեն: «Արմենպրես»-ի փոխանցմամբ, այդ մասին որոշման նախագիծն ընդգրկված է կառավարության հունվարի 16-ի նիստի օրակարգում:
Որոշման նախագծով նախատեսվում է հանրապետական զորակոչային հանձնաժողովի կազմում ներառել ՀՀ ՊՆ զորակոչային և զորահավաքային համալրման ծառայության պետին (նախկինում՝ ՀՀ զինվորական կոմիսար), իսկ կենտրոնական բժշկական հանձնաժողովի կազմում՝ նյարդաբանի:
Նախագծի ընդունմամբ կապահովվի շարքային կազմի պարտադիր զինվորական ծառայության 2019 թվականի ձմեռային զորակոչի պատշաճ կազմակերպման և անցկացման գործընթացը:
