Տևական ժամանակ է ինչ լուրեր են շրջանառվում, որ հայ-թուրքական սահմանը շուտով կբացվի: Նման եզրակացության հիմք էր հանդիսացել այն հանգամանքը, որը վերջերս Թուրքիան ականազերծել էր իր տարածքները, որոնք սահմանակից են Հայաստանին և Իրանի որոշ հատվածին:
Թուրքիան հերքել է Հայաստանի հետ սահմանների վերաբացման մասին շրջանառված լուրը: Թուրքիայի ԱԳ նախարար Ահմեդ Դավութօղլուն Գյանջա քաղաքում իր վրացի ու ազերի պաշտոնակիցների հետ համատեղ նիստում ասել է, որ քանի դեռ չի կարգավորվել ԼՂ-ի շուրջ Հայաստանի ու Ադրբեջանի հակամարտությունը, հնարավոր չէ կարգավորել Թուրքիայի և Հայաստանի հարաբերությունները:
Հիշեցնենք, որ Թուրքիան, պաշտպանելով Ադրբեջանին, 1993 թվականից ի վեր փակել է Հայաստանի հետ իր սահմանները: Կանխատեսվում էր, որ հայ-թուրքական սահմանը բաց կլինի 2009 թվականի հայ-թուրքական արձանագրությունների ստորագրումից հետո, սակայն արձանագրությունների ստորագրումից հետո թուրքական կողմը իր նախապայմանները դրեց, որը տապալեց հայ-թուրքական հարաբերությունների կարգավորման պրոցեսը:
