Կանադահայ գեղասահորդուհի Թինա Գարաբեդյանը կրկին մրցումների կմասնակցի Սիմոն Սենեկալի հետ, որի հետ հայ գեղասահորդուհին երկար տարիներ համագործակցել է: Սակայն վերջիններս 2018-ի մայիսին անհայտ պատճառներով դադարեցրել էին իրենց համագոծակցությունը:
Ինչպես հաղորդում է «Հայկական ժամանակ»-ը, անցած մրցաշրջանը Թինան բաց է թողել՝ զույգ չունենալու պատճառով, ինչի արդյունքում այս տարվա սկզբին դեռ փնտրտուքների մեջ է եղել:
Ինչպես Թինան է խոստովանել, Սենեկալից ավելի լավ մարզընկեր ունեցել է, սակայն որոշել է կրկին աշխատել Սենեկալի հետ:
«Ես կրկին մարզվում եմ իմ նախկին գործընկերոջ՝ Սիմոնի հետ, եւ մեր առաջին մրցաշարը լինելու է նոյեմբերի կեսերին Լեհաստանում՝ Վարշավայում»,- ասել է նա:
