Արդեն տեղեկացրել ենք, որ Հայաստանի և Ադրբեջանի արտաքին գործերի նախարարներ Էդվարդ Նալբանդյանն ու Էլմար Մամեդյարովը, ովքեր մասնակցում են Կիևում ընթացող ԵԱՀԿ արտաքին գործերի նախարարների գագաթնաժողովին, մասնակցել են ղարաբաղյան հակամարտության կարգավորման բանակցությունների հերթական փուլին, որին ներկա են գտնվել նաև ԵԱՀԿ Մինսկի խմբի համանախագահները:
Ադրբեջանի արտաքին գործերի նախարարության պաշտոնական ներկայացուցիչ Էլման Աբդուլաևն ասել է, որ բանակցությունների մյուս փուլը տեղի կունենա Ամանորից հետո: Այս մասին հաղորդում է Trend գործակալությունը:
