Բարձրաստիճան ոստիկանների կողմից ստեղծված «ֆինանսական բուրգի» քր- գործի շրջանակներում Երեւանի նախկին ոստիկանապետ Ներսիկ Նազարյանի որղին իր ցուցմունքներում նշել էր, որ ինքն ունի ոստիկանության կողմից տրամադրված թիկնապահ:
Մեր գրավոր հարցմանն ի պատասխան, ոստիկանության հասարակայնության հետ կապի և լրատվության վարչությունից մեզ հայտնել են, որ նախկին ոստիկանապետի որդին՝ Արմեն Նազարյանը, շարունակում է օգտվել այդ թիկնապահի ծառայությունից եւ դրա դիմաց ոստիկանությանն է վճարում ամսական 180 հազար դրամ: Ոստիկանությունից նաեւ հայտնում են, որ ՀՀ յուրաքանչյուր քաղաքացի կարող է ստանալ այդ ծառայությունը համապատասխան պայմանագիր կնքելով ոստիկանության հետ:
