Կուբայում ձերբակալել են ռուս ազգայնականին և պատրաստվում են նրա էքստրադիցիային

Կուբայի իշխանությունները պաշտոնական Մոսկվային հաղորդել են ռուս ազգայնական Մաքսիմ Մարցինկևիչին (մականունը՝ Տեսակ) ձերբակալելու մասին, ով ռուս իրավապահ մարմինների կողմից հետախուզման մեջ էր գտնվում։

Ինչպես հաղորդում է Lenta.ru-ն, ազգայնականին ձերբակալել են հունվարի 17-ին։ Այժմ  Կուբայի իշխանությունները պատրաստվում են նրան Ռուսաստան էքստրադիցիայի (հանցանք կատարած անձին հանձնելը) ենթարկել։

Նշենք, որ ռուսական իշխանությունները Տեսակին մեղադրում են ազգամիջյան ատելություն սերմանելու մեջ։ Այդպիսի եզրակացության են եկել իրավապահները՝ ուսումնասիրելով Մարցինկևիչի տարածած տեսանյութերը համացանցում։