ԱՄՆ առողջապահության նախարարության տեղական բաժանմունքների տվյալներով՝ երկրի վեց նահանգում մեկ օրում արձանագրվել են կորոնավիրուսի վարակի ռեկորդային թվով դեպքեր:
Արիզոնա նահանգում գրանցվել է վարակի ռեկորդային 2 392 դեպք, վարակակիրների թիվը նահանգում հասել է 39.097-ի: Մեկ այլ բարձր ցուցանիշ էլ՝ 2776 դեպք, գրանցել են Ֆլորիդայում: Այս նահանգում վարակակիր է ավելի քան 80 հազար մարդ:
Օկլահոմայում, որտեղ հունիսի 13-ին գրանցվել էր ռեկորդային համարվող 202 դեպք, վերջին 24 ժամվա ընթացքում հայտնաբերվել է 228 վարակակիր: Նևադայում էլ օրեր առաջ գրանցված 106 դեպքից հետո այսօր հիվանդների թիվը մեկ օրում կազմել է 379-ը:
Դեպքերի կտրուկ աճ է գրանցվել նաև Տեխասում՝ 2622 վարակված մեկ օրում՝ նախորդ օրվա 1254-ի փոխարեն: Ռեկորդային է համարվել Օրեգոն նահանգում արձանագրված վարակակիրների թիվը՝ 278 դեպք՝ նախորդ օրվա 184-ի համեմատ
