Դորտմունդի «Բորուսիայի» գլխավոր մարզիչ Յուրգեն Կլոպը դրվատանքի խոսքեր է ասել թիմի հայ կիսապաշտպան Հենրիխ Մխիթարյանի հասցեին, ով երեկ գերազանց խաղ է անցկացրել Չեմպիոնների լիգայի խմբային փուլի՝ «Նապոլիի» դեմ պատասխան հանդիպման ժամանակ (3։1)։
«Այս հաղթանակն առայժմ չի երաշխավորել ոչինչ։ Մենք պետք է շարունակենք ձգտել առաջընթացի։ Մեզ համար կարևոր է հարթել մեր խաղի սուր անկյունները։ Սակայն «Նապոլիի» խաղից առաջ փլեյ օֆֆ դուրս գալու մեր շանսերը մեծ չէին։ Սա գերազանց նորություն է։
Միկին այսօր ցուցադրեց բացառիկ արդյունավետություն՝ ինչպես Դերբիի ժամանակ («Շալկեի» հետ խաղում)»,- ասել է Կլոպը։
