Ամերիկացի դերասանուհի Հեյդեն Պանետյերը խոստովանել է, որ տեղի է ունեցել նրա նշանադրությունը ուկրաինացի բռնցքամարտիկ Վլադիմիր Կլիչկոյի հետ։
Այս մասին հաղորդում է ABC-ն, որի եթերում էլ հենց դերասանուհին հայտարարել է իրենց նշանադրության մասին։
«Այո, ես նշանվել եմ», — ասել է Պանետյերը՝ ցուցադրելով իր մեծ ադամանդով մատանին և հավելել, որ առայժմ հայտնի չէ ամուսնության օրը։
Կլիչկոն և ամերիկացի դերասանուհին սկսել են հանդիպել 2009 թվականից։ 2011-ին նրանք բաժանվել են, սակայն կարճ ժամանակ անց նորից սկսել են հանդիպել։ 37-ամյա անվանի բռնցքամարտիկին և 24-ամյա դերասանուհուն հաճախ են նկատել միասին։
