Ահաբեկիչները Պակիստանի արևմուտքում գտնվող Բելուջիստան մարզում հարձակում են գործել կատարցի շեյխի ավտոշարասյան վրա: Այս մասին հայտնում են պակիստանական լրատվամիջոցները:
Հարձակման է ենթարկվել Կատարում իշխող ընտանիքի անդամ Ալի Բին Աբդուլլահը: Նա նաև երկրի նավթի նախարարն է: Արաբ շեյխը մեկնել էր Տուրբաթ քաղաք որսորդության: Անհայտ անձինք կրակահերթ են բացել նրա ավտոշարասյան ուղղությամբ: Հաղորդվում է, որ շեյխի անվտանգության աշխատակիցներից մեկը զոհվել է, սակայն ինքը՝ շեյխը, չի տուժել հարձակումից:
