Այսօր առավոտյան կրկին բախումներ են սկսվել Մայդանում:
Մայդանի պաշտպաններն անսպասելի հարձակման են անցել` հետ նվաճելով հատուկջոկատայինների կողմից երկու օր առաջ զբաղեցված դիրքերը:
Ուկրաինական լրատվամիջոցները հաղորդում են 10-ը զոհի մասին, կան տասնյակ վիրավորներ, որոնց շտապ օգնության մեքենաները դուրս են բերում Մայդանից: Ցուցարարները նոր բարիկադներ են կառուցում Գրուշևսկու փողոցում, նրանք հետ են վերցրել «Ուկրաինայի տունը»: Այս մասին հաղորդում է Korrespondent.net-ը:
Տասնյակ ոստիկաններ անվտանգության երաշխիքների դիմաց հանձնվել են Մայդանի պաշտպաններին: Բարձրախոսով կոչ են անում ապահովել բոլոր հանձնվածների անվտանգությունը:
Զոհերի թիվը հաստատել են նաև առողջապահության նախարարության ներկայացուցիչները: ՆԳՆ հաղորդել է 24 վիրավորի մասին:
