Կառավարության այսօրվա նիստում քննարկվող հարցերից մեկը կորոնավիրուսի տնտեսական հետևանքները չեզոքացնող թվով 19-րդ միջոցառման հաստատումն էր:
Զեկույցով հանդես եկավ Էկոնոմիկայի նախարար Տիգրան Խաչատրյանը:
Նախարարն ասաց, որ ծրագրի նպատակն է օժանդակել զրոյից բիզնես սկսողներին, օգնել զարգացնել իրենց ծրագրերը, որով կառավարությունը ֆինանսապես նույնպես կօժանդակի:
Այս ծրագրում էլ շատ կարևոր են հարկային և վարկային բարվոք պատմությունները:
Նախարարը նշեց, որ կլինեն ոլորտներ, որոնք չեն կարող օգտվել այս ծրագրից:
Նախարարն ասաց, որպեսզի նպատակային թիրախավորում լինի, ծրագրից կարող են օգտվել այն կազմակերպությունները, որոնք մշակող արդյունաբերության և ծրագրերի մատուցման ոլորտներից են: Օժանդակությունը հիմնականում կգործի մարզերում:
Արտոնյալ վարկով պետությունը կխթանի բիզնեսի զարգացման համար. վարկը կկազմի տասը միլիոն դրամ: Վարկի տոկոսադրույքը կլինի 7-10 տոկոս:
Կառավարությունը հաստատեց դասընթացից հետո պետության աջակցությամբ վարկի ձևակերպմամբ նոր բիզնես սկսելու միջոցառումը:
Հայկ Մագոյան
