ՀՀ վարչապետ Նիկոլ Փաշինյանը կառավարության այսօրվա նիստում անդրադարձավ Թուրքիայի կողմից Սիրիա ներխուժմանը։
«Հայաստանի Հանրապետությունը դատապարտում է ներխուժման այդ գործողությունը, և մենք մտահոգված ենք իրավիճակով, որովհետև, մեր գնահատմամբ, այդ գործողությունն ավելի կխորացնի Սիրիայում հաստատված մարդասիրական ճգնաժամը»,- ասաց վարչապետը։
Փաշինյանը կոչ արեց միջազգային հանրությանը գործուն միջոցներ ձեռնարկել այդ ապօրինի գործողությունը դադարեցնելու համար:
Վարչապետը նշեց, որ կառավարության նիստից հետո դռնփակ ռեժիմով քննարկում կանեն ու մտքեր կփոխանակեն Սիրիայի հյուսիսում ստեղծված իրավիճակի, հնարավոր զարգացումների ու դիրքորոշումների վերաբերյալ։
