Ձմեռային օլիմպիական խաղերն ավանդաբար ավարտվում են հոկեյի տղամարդկանց մրցաշարի եզրափակիչով։
Ավանդույթի համաձայն Սոչիում նույնպես վերջին միջոցառումն այդ մրցաշարի եզրափակիչն էր, որում հանդիպել էին Կանադայի և Շվեդիայի ընտրանիները։
Բացահայտ առավելությամբ հաղթել են հյուսիսամերիկացիները, որոնք երեք անպատասխան գոլ են խփել Շվեդիայի դարպասը՝ 3:0։ Գոլերի հեղինակներ են դարձել Ջոնաթան Թոյքը, Սիդնի Քրոսբին, Քրիս Կունիցինը։
Հիշեցնենք, որ բրոնզե մեդալները նվաճել են ֆինլանդացիները, ովքեր 5:0 հաշվով հաղթել են ԱՄՆ֊ին։
