Հայաստանի ֆուտբոլի ֆեդերացիայում կայացել է Հայաստանի Գավաթի կիսաեզրափակչի խաղացանկի վիճակահանությունը, որի ժամանակ որոշվեց առաջին ու պատասխան խաղի հերթականությունը: Այս մասին հայտնում է armfootball.com-ը:
«Ուրարտուի» կայքը հայտնում է, որ «Նոայի» դեմ առաջին խաղը կկայանա «Ուրարտուի» հարկի տակ: Այն կկայանա մարտի 10-11-ին: Պատասխան խաղը սպասվում է «Նաիրի» մարզադաշտում` մարտի 21-ին:
Մյուս զույգում հանդիպող «Արարատ-Արմենիան» և «Գանձասար-Կապանը» տնային խաղերն անցկացնում են Ավանի ֆուտբոլի ակադեմիայում: ArmFootball.com-ին հայտնի դարձավ, որ առաջին մրցավեճում տանտեր կլինի Հայաստանի գործող չեմպիոնը, իսկ պատասխանում` «արջերը»:
