Կամբոջիայում ջրհեղեղների հետևանքով զոհերի թիվը հասել է 104-ի։ Այս մասին հաղորդում է Associated Press գործակալությունը։ Ավելի վաղ հաղորդվում էր մոտավորապես 80 զոհի մասին։
Ջրհեղեղների հետևանքով տուժել է 1.5 միլիոն մարդ։ Այն վնաս է հասցրել Կամբոջիայի 20 բնակավայրի, փլուզվել են բնակելի շենքեր, դադարեցվել է էներգամատակարարումը։ Մի քանի տասնյակ հազար մարդ տարհանվել է։ Ամբողջությամբ վնասվել են մոտ 250 հեկտար բրնձի դաշտեր, 100 կմ ավտոճանապարհներ։
