Վեց ոստիկան է սպանվել Եգիպտոսի մայրաքաղաքի մերձակայքում գտնվող անցագրային կետի մոտ։ Այս մասին հաղորդում է Reuters գործակալությունը։
Անհայտ անձիք առավոտյան կրակ են բացել հսկիչ անցագրային կետի ուղղությամբ։ Դեպքի վայրում հայտնաբերվել է երկու ական, որոնք վնասազերծվել են։ Բանակի ներկայացուցիչները պատասխանատվությունը դրել են «Մուսուլման եղբայրներ» կազմակերպության վրա։
Հիշեցնենք, որ իրավապահների նկատմամբ հարձակումներն ավելացել են այն բանից հետո, երբ անցած տարվա հուլիսին պաշտոնանկ արվեց գործող նախագահ Մուհամադ Մուրսին, իսկ «Մուսուլման եղբայրներ» կազմակերպության գործունեությունն արգելվեց։
