ԱՄՆ-ի կենտրոնական հետախուզական վարչությունը գաղտնազերծել է փաստաթղթեր, որոնք վկայում են, որ 2011 թվականին սպանված Լիբիայի առաջնորդ Մուամար Կադաֆին ժամանակին զենք է մատակարարել «Մուսուլման եղբայրներ» կազմակերպությանը։
Կադաֆին դա առավել ակտիվ արել է Եգիպտոսի սպանված նախագահ Անվար Սադաթի կառավարման տարիներին։ Այս մասին հաղորդում է եգիպտական Al-Ahram-ը։ Բացի այդ, հայտնի է դարձել, որ Կադաֆին ամեն ինչ արել է, որպեսզի արաբական երկրների մյուս առաջնորդների միջոցով պաշտոնանկ անի Սադաթին՝ հատկապես 1979 թվականին Իսրայելի հետ Եգիպտոսի կողմից ստորագրված խաղաղության համաձայանգրից հետո։
Հիշեցնենք, որ Սադաթը սպանվել է 1981 թվականին՝ զինվորական շքերթի ժամանակ։
