Գերմանիայի հավաքականի և Մադրիդի «Ռեալի» կիսապաշտպան և առանցքային ֆուտբոլիստ Սամի Խեդիրան երեկ տեղափոխվել է հիվանդանոց, քանի որ լուրջ վնասվածք է ստացել Իտալիայի հետ ընկերական խաղի ժամանակ (1։1)։
Միլանի հիվանդանոցում նա հետազոտության է ենթարկվել, որի արդյունքների մասին առայժմ ոչինչ հայտնի չէ։ Խեդիրան 67-րդ րոպեին բախվել է Իտալիայի հավաքականի կիսապաշտպան Անդրեա Պիրլոյի հետ։ Մինչև բախումն էլ նա խնդիրներ է ունեցել ծնկի հետ։
