Հայաստանի Հարվարդի ակումբի նախաձեռնությամբ երեկ Հայաստանի Ամերիկյան Համալսարանի “Ալեք և Մարի Մանուկեան” դահլիճում տեղի ունեցավ Խաչատուր Սուքիասյանի հանդիպումը Հարվարդի ակումբի անդամների և Ամերիկյան Համալսարանի ուսանողների հետ, որի ընթացքում քննարկվեցին հետևյալ հարցերը`
- Գործարարության հայկական առանձնահատկությունները
- Խոշոր ընկերությունների կառավարման/վերահսկման մարտահրավերները
- Ինչպես նախապատրաստվել սերնդափոխության, պրոֆեսիոնալ կառավարիչներ եվ խորհուրդ
- Հայաստանի տնտեսությունը՝ ՍԻԼ Գրուպի տեսլականը եվ տնտեսության նախապատվելի ճյուղերը ներդրումների տեսանկյունից
Հանդիպման ընթացքում Խաչատուր Սուքիասյանը ներկայացրել է իր գործունեությունը, պատմել իր անցած ճանապարհի մասին, խորհուրդներ տվել ապագա գործարարներին, թե ինչպես սկսել կարիերան: Երիտասարդներն իրենց հերթին բազմաթիվ հարցեր են ուղղել գործարարին: Նմանատիպ հանդիպումներ Ամերիկյան համալսարանում հաճախ են կազմակերպվում, սակայն երեկ երեկոյան ուսանողներն աննախադեպ շատ էին եւ ակտիվ:
Լուսանկարում Խաչատուր Սուքիասյանն է Հարվարդի շրջանավարտների հետ
