«Բարսելոնայի» հարձակվող Լիոնել Մեսսին անդրադարձել է իր վնասվածքին, որի պատճառով առաջիկա մեկուկես ամսվա ըթնացքում դուրս չի գա խաղադաշտ:
«Շատ եմ ցավում, քանի որ այսպիսի ընթացք չէի սպասում: Նյարդայնացած եմ, քանի որ այս վնասվածքս հաջորդեց մյուսին: Սակայն ես չեմ մտահոգվում, քանի որ վնասվածք ստացա, որովհետև այդպես էլ պետք է լիներ, սրանում ոչ մի արտառոց բան չկա:
Նախատեսում եմ խաղադաշտ վերադառնալ, երբ օրգանիզմս դրան պատրաստ լինի: Միշտ խաղում եմ, երբ ի վիճակի եմ»,- ասել է Մեսսին: Այս մասին հաղորդում է AS-ը:
