Իսպանիայի հավաքականի կիսապաշտպան Խաբի Ալոնսոն նոր պայմանագիր է ստորագրել իր ակումբի՝ Մադրիդի «Ռեալի» հետ։ Այն կգործի մինչև 2016 թվականը։ Այս մասին ֆուտբոլիստը գրել է Twitter-ի իր էջում։
«Այս մարզադաշտը կլինի իմ տունն առաջիկա երկու տարիների ընթացքում։ Մեծ հաճույքով հայտարարում եմ դրա մասին։ Շատ երջանիկ եմ», — «Սանտիագո Բերնաբեուի» նկարի տակ գրել է Ալոնսոն։
Իսպանական լրատվամիջոցների տեղեկություններով՝ Ալոնսոն տարեկան կստանա 6 միլիոն եվրո։
