Ուկրաինայում ֆեդերալիզացիայի վերաբերյալ հանրաքվեները, որոնք տեղի են ունեցել Դոնեցկում և Լուգանսկում՝ իրավական կշիռ չունեն։ Այս մասին հայտարարել է Բելառուսի նախագահ Ալեքսանդր Լուկաշենկոն ռուսական «Դոժդ» հեռուստաալիքի եթերում։
«Իրավունքի տեսակետից՝ Ուկրաինայի Դոնեցկի և Լուգանսկի շրջանների հանրաքվեները ոչ մի նշանակություն չունեն։ Էլ չեմ ասում, թե ինչ պայմաններում են դրանք անցկացվել։ Ցանկացած հանրաքվե պետք է անցկացվի Սահմանադրության հիման վրա», — ասել է նա։
Հիշեցնենք, որ Լուկաշենկոն նաև հայտարարել էր, որ Ուկրաինայում իրավիճակը կլուծվի, եթե առաջ գա ազգային նոր առաջնորդ։
