Վարակվածների թվում ֆուտբոլիստներ, մարզիչներ և աշխատակազմի ներկայացուցիչներ կան։ Կորոնավիրուսի թեստերի դրական պատասխանից հետո ակումբի ամբողջ անձնակազմը մեկուսացել է։
«Լոռի» ֆուտբոլային ակումբի անձնակազմի 17 անդամների PCR թեստերը դրական են եղել։ Տեղեկությունը հայտնում է ակումբի մամուլի ծառայությունը։
Հաղորդագրության համաձայն` վարակվածների թվում և՛ ֆուտբոլիստներ կան, և՛ մարզիչներ, և՛ աշխատակազմի ներկայացուցիչներ։
Ակումբը նրանց անունները չի հրապարակում՝ անձի գաղտնիության պահպանման սկզբունքներից ելնելով։
Ակումբի ամբողջ անձնակազմը մեկուսացել է։
