Արդեն տեղեկացրել ենք, որ Կիևում տապալվել է Լենինի արձանը: Մայրաքաղաքում նախօրեին հավաքված ցուցարարներն իրենց բողոքը դրսևորել են խորհրդային կարգերի հիմնադրի արձանը կոտրելով:
Այսօր հայտնի է դարձել, որ նմանատիպ դեպք գրանցվել է Օդեսայի շրջանում: Կոտովսկ քաղաքում անհայտ անձինք վնասել են քաղաքային պուրակում տեղադրված «հեղափոխական առաջնորդի» կիսանդրին:
Տեղի ոստիկանությունը հաղորդում է, որ հարուցվել է քրեական գործ: Սակայն այդ ակցիայի մասնակիցների անձը հայտնի չէ: Այս մասին հաղորդում է RIA-Novosti գործակալությունը:
