PETA (People for the Ethical Treatment of Animals) կենդանիների պաշտպանության կազմակերպությունը մեղադրել է Լեդի Գագային՝ կենդանիների նկատմամբ կոպիտ վերաբերմունք ցուցաբերելու մեջ։ Դա տեղի է ունեցել այն բանից հետո, երբ երգչուհին իր էջում հրապարակել է սիրելի շան նկարը՝ զարդարված ոսկերչական տարբեր իրերով։ Այս մասին հաղորդում է US Weekly-ն։
Չնայած այս լուսանկարն արժանացել է Լեդի Գագայի մոտ 400 հազար երկրպագուների հավանությանը, այդուհանդերձ կենդանիների պաշտպանները նշում են, որ Լեդի Գագան իրավունք չուներ նման կերպ զարդարել ֆրանսիական բուլդոգի ձագ Էյշային։
Լեդի Գագան նախկինում էլ է հայտնվել կենդանիների պաշտպանների ուշադրության կենտրոնում։ 2010 թվականին երգչուհուն դատապարտել էին մսից պատրաստված զգեստ կրելու, իսկ 2012-ին՝ աղվեսի մորթուց գլխարկ կրելու համար։
