ՌԴ արտգործնախարարության հաղորդած տեղեկության համաձայն՝ ՌԴ արտգործնախարար Սերգեյ Լավրովը հեռախոսային խոսակցություն է ունեցել ԱՄՆ պետքարտուղար Ջոն Քերիի հետ:
Հաղորդվում է, որ «քննարկվել են միջազգային անցուդարձին վերաբերող հարցեր, այդ թվում և Սիրիայի հարցով համաժողովը, երկրի մարդասիրական, ինչպես նաև իրանական միջուկային ծրագրի կարգավորման խնդիրը»։
Քերիի և Լավրովի հաջորդ հանդիպումն արդեն տեղի կունենա «Ժնև-2»-ի շրջանակներում: Նշվում է նաև, որ հեռախոսային խոսակցության նախաձեռնողը ամերիկյան կողմն է եղել:
