Իրանի նախագահ Հասան Ռուհանին պատրաստվում է այցելել Բուշեհր նահանգ, որտեղ նոյեմբերի 28-ին տեղի էր ունեցել ուժեղ երկրաշարժ, և հանդիպել տուժածների ընտանիքների հետ։ Այս մասին հաղորդում է IRNA գործակալությունը։
Համաձայն տարածված տեղեկության՝ նա կծանոթանա փրկարարական աշխատանքների ընթացքին, հրահանգներ կտա հետևանքները վերացնելու ուղղությամբ։
Հիշեցնենք, որ Բորաջան և Դաշթեսան քաղաքներում տեղի ունեցած երկրաշարժի հետևանքով առաջացել էին ավերածություններ։ Զոհվել է 8 մարդ, ավելի քան 200-ը ստացել են մարմնական վնասվածքներ։ Երկրաշարժի ուժգնությունն էպիկենտրոնում կազմել է 5.7 մագնիտուդ։
