Իրանի ժողովուրդը թշնաբար տրամադրված չէ այլ ժողովուրդների, այդ թվում՝ ամերիկացիների հանդեպ։ Այս մասին Իրանի կառավարության նիստի ժամանակ հայտարարել է երկրի նախագահ Հասան Ռուհանին։ Այս մասին տեղեկացնում է Fars գործակալությունը։
Միաժամանակ Ռուհանին շեշտել է, որ ժողովուրդը միշտ դատապարտում է իր նկատմամբ այլոց թշնամական քաղաքականությունը։ Նախագահն անդրադարձել է նաև երկրի միջուկային ծրագրին՝ նշելով, որ Իրանը բանակցություններ է վարում «վեցյակի» հետ, որպեսզի վերականգնի իր իրավունքները տրամաբանության և դիվանագիտության շնորհիվ։
Ռուհանին նաև ասել է, որ երկրի ինքնիշխանությունն ու անկախությունն այն «կարմիր գիծն է», որից այն կողմ բանակցություններ չեն կարող լինել։
