Իտալիայի կառավարությունը նոյեմբերի 21-ը հայտարարել է սգո օր Սարդինիայում «Կլեոպատրա» փոթորկի հետևանքով բազմաթիվ զոհերի կապակցությամբ: Այս մասին գրում են իտալական լրատվամիջոցները:
Այս որոշումը կայացվել է Իտալիայի կառավարության նիստի ժամանակ, որը սկսվել է մեկ րոպե լռությամբ: Ամենաշատը տուժել են Օլբիա-Տեմպո և Նուորո շրջանները: Նրանք նույնպես հայտարարել են սգո միջոցառումներ անցկացնելու մասին:
Այս պահին հայտնի է մոտ 20 մարդու մահվան մասին, շուրջ 1000 հոգի մնում է անօթևան:
