Իսրայելական ավիացիան երեկ Գազայի հատվածում լայնածավալ ռմբակոծություն է իրականացրել՝ պատասխանելով վերջին մեկուկես տարում Պաղեստինի կողմից ամենալայնածավալ հրթիռակոծությանը։ Այս մասին հայտնել է Իսրայելի վարչապետի պաշտոնական ներկայացուցիչ Օֆեր Գենդելմանը։
Իսրայելցիները տեղեկացրել են, որ նախօրեին Իսրայելի տարածքի ուղղությամբ բաց է թողնվել 42 հրթիռ, որոնցից առնվազն 8-ը պայթել են բնակավայրերի մերձակայքում։ Դրանցից երեքը վնասազերծվել է հակաօդային պաշտպանության համակարգի կողմից։
«Իսրայելի ռազմաօդային ուժերը ռմբակոծել են Գազայի հատվածում ահաբեկչական 29 օբյեկտ՝ ի պատասխան «Սիլամական ջիհադի» կողմից հզոր հրթիռային ռմբակոծության», — ասել է Գենդելմանը Twitter-ի իր էջում։
