Իսպանական Սևիլիա քաղաքի իշխանությունները ներկայացրել են նոր կանոնակարգեր քաղաքի տաքսու վարորդների համար:
Նոր կանոնակարգի պահանջներից մեկն այն է, որ այսուհետ տաքսու վարորդներն ավելի ուշադիր պետք է լինեն մեքենաների և սպասարկման նկատմամբ: Նրանցից այժմ պահանջվում է հետևել մեքենայի մաքրությանը և բարեհամբույր լինել ուղևորների հետ: Վարորդները նաև պետք է հետևեն իրենց արտաքին տեսքին և անձնական հիգիենային: Ծայրաստիճան անցանկալի է, որ վարորդները մեքենան վարեն սպորտային հագուստով կամ շորտերով:
