Այովայի համալսարանի գիտնականները փորձել են պարզել, թե ինչու է տղամարդկանց անհրաժեշտ ավելի մեծ քիթ, քան կանանց: Նրանք փաստել են, որ քթի մեծությունը կապված է տղամարդկանց շրջանում թթվածնի ավելի մեծ պահանջով, քան կանանց:
Գիտնականները նշում են, որ նման կապը պայմանավորված է տղամարդկանց ավելի մեծ մկանային համակարգով, ինչը թթվածնի ավելի մեծ կարիք ունի: Բացի այդ, հետազոտողներն անմիջական կապ են տեսնում քթի աճի և սեռական հասունացման հետ: 11 տարեկանից տղաների մոտ սկսում են աճել մկանները, իսկ թթվածնի պահանջը նպաստում է քթի աճին: Աղջիկների մոտ նման երևույթ չի նկատվում:
