Ի՞նչ ժառանգություն է թողել Սերժ Սարգսյանն Արցախի հարցում: Այսօր այդ մասին խոսեց մամուլի ասուլիսում վարչապետ Նիկոլ Փաշինյանը: «Մի հոդված տպվեց, որտեղ փաստաթղթից մեջբերում էր, թե Սերժ Սարգսյանը որ բանակցային կետում է թողել Արցախի խնդիրը: Նախկին իշխանությունը դա չհերքեց: Պարբերություն առաջին՝ ԼՂ-ի հակամարտության վերջնական նպատակներն են՝ 7 շրջանների վերադարձն Ադրբեջանին, պայմանով, որ պահպանվում է Արցախ Հայաստան կապող միջանցքը: Երկրորդ՝ ԼՂ բնակչության քվեարկությամբ ԼՂ իրավական կարգավիճակի որոշումը: Կտեղակայվեն խաղաղապահ ուժեր, իսկ Արցախից դուրս կգան հայկական զինված ուժերը»,- մանրամասնեց կառավարության ղեկավարը:
Նիկոլ Փաշինյանն ասաց՝ որ պահին ՀՀ-ը ուզենա շարունակել բանակցություններն այս կետերից, միջազգային հանրությունը ոչ մի պրոբլեմ չի ստեղծի: «Արցախի նախագահի թեկնածուները թող ասեն՝ այս տեքստն ընդունելի է, թե ընդունելի չէ: Եթե հավաստիացնեն, որ այս տեքստը կորսված է, չհավատաք: Եթե Արցախի ժողովուրդը կասի՝ սա է ճիշտը, սա կհայտնվի բանակցային սեղանին»,- վստահեցրեց կառավարության ղեկավարը:
Վարչապետը հիշեցրեց՝ 2019 թ-ի մարտի հայտարարությունը Հայաստանի եւ Արցախի անվտանգության խորհուրդներում:
