ԱԺ փոխնախագահ Ալեն Սիմոնյանն այսօր լրագրողներին ասաց, որ ՔՊ փակ նիստում քննարկել են Ամուլսարի հանքի շահագործման հարցը: «Սովորական աշխատանքային քննարկում է»,- ասաց ԱԺ փոխնախագահը:
Ի՞նչ եզրահանգման է եկել «Իմ քայլը» խմբակցությունը: Ի պատասխան ԱԺ փոխնախագահն ասաց, որ դա կառավարության որոշելիքն է, իսկ խմբակցությունը՝ կառավարության հենարանը:
Ալեն Սիմոնյանը հավաստիացրեց՝ Ռոբերտ Քոչարյանին առնչվող ՍԴ-ի որոշումը չեն քննարկել:
Հարց հնչեց նաև խմբակցության անդամների տարակարծությունների մասին: ԱԺ փոխնախագահը հերքեց դա, ապա ասաց՝ նման քննարկումների նպատակը կողմ եւ դեմ կարծիքներ լսելն է:
