«Ժողովուրդ». ՀՀ բնակչությունը նվազում է նաև պաշտտոնապես

«ՀՀ ազգային վիճակագրական ծառայությունը Հայաստանի բնակչության վերաբերյալ բավական ուշագրավ փաստեր է հրապարակել։ Ըստ պաշտոնական տեղեկության՝ ՀՀ-ում բնակչությունը 2010թ. կազմել է 3,2 մլն մարդ, իսկ 2012թ. այն դարձել է 3 մլն։ Թե ինչքան է իրականում, դժվար է միանշանակ ասել։ Բայց ուշագրավ է հարևան Ադրբեջանում առկա բնակչության թվաքանակի դինամիկան։ Նույն ազգային վիճակագրական ծառայության տվյալներով՝ Ադրբեջանում բնակչությունը 2010թ. կազմել է 9 մլն, իսկ 2012-ին՝ 9.3 մլն։ Այս տարիներին աճել է նաև Ղազախստանի, Ռուսաստանի, Ուզբեկստանի և ԱՊՀ այլ երկրների բնակչության թիվը։ Իսկ ահա Հայաստանում ժողովրդագրական վիճակը գնալով անկում է ապրում։ Ու պարզ չէ, թե ինչ կլինի Մաքսային միությանն անդամագրվելուց հետո»,–գրում է թերթը։
Մանրամասները՝ թերթի այսօրվա համարում։