Այն կինը, որն աշխատանքից հեռացվել էր ԱՄՆ նախագահ Դոնալդ Թրամփի մեքենայի մոտով հեծանվով անցնելիս միջնամատը վերև բարձրացնելու (հայհոյելու) համար, ընտրվել է Վիրջինիայի տեղական ինքնակառավարման մարմնում: Այս մասին հաղորդում է BBC-ն:
Միայնակ մայրը հավաքել է ձայների ավելի քան 52%-ը`Լոուդոունի շրջանի ներկայացուցիչ ընտրվելու համար:
Նահանգային մակարդակում ԱՄՆ-ի դեմոկրատները լիովին վերահսկում են Վիրջինիայի օրենսդիր մարմինը:
Ջուլի Բրիսքմանն իր հաղթանակը տոնել է նաև Twitter-ում՝ համապատասխան գրառման (Tweet) միջոցով: Բրիսքմանը հրապարակել է վիճահարույց պատկերն ու շնորհակալություն հայտնել Լոուդոունի բնակիչներին իր հաղթանակի համար:
Looking forward to representing my friends & neighbors in #Algonkian District who backed me up today! So proud that we were able to #FlipLoudpun #FlipVA #LOCO219 Thank you Loudoun! https://t.co/vRcDUih1AP
— Juli Briskman (@julibriskman) November 6, 2019
