Թուրքիայում կորոնավիրուսով վարակվածների թիվը հասել է 13․531-ի: Մարտի 31-ի դրությամբ նոր տեսակի կորոնավիրուսից մահացել է ևս 46 մարդ։ Այս մասին գրում Ermenihaber-ը՝ հղում անելով Twitter-ի էջում Թուրքիայի առողջապահության նախարար Ֆահրեթթին Քոջանի հայտարարությունը։
Գրառման մեջ նախարարը նշել է, որ 24 ժամվա ընթացքում իրականացված 15․422 թեստի արդյունքում հաստատվել է կորոնավիրուսով վարակվելու 2․704 նոր դեպք։ Նույն ժամանակահատվածում գրանցվել է վարակակիրների մահվան 46 դեպք։
847 հիվանդ գտնվում է վերակենդանացման բաժանմունքում։ Ընդհանուր առմամբ կատարվել է 92․ 403 թեստավորում։ Համավարակից ապաքինվել է 243 հիվանդ։
Այսպիսով, ըստ վերջին տվյալների, Թուրքիայում արձանագրվել է կորոնավիրուսով վարակվելու 13․ 531 հաստատված դեպք և մահվան 214 դեպք:
