Թուրքիայի կառավարության ղեկավար Ռեջեփ Թայիպ Էրդողանը հայտարարել է, որ երկրի իշխանությունները նախատեսում են անցկացնել մի շարք քաղաքական բարեփոխումներ, որոնք վերաբերում են ընտրական օրենսգրքին և երկրում քաղաքական փոքրամասնություններին: Այս մասին հաղորդում է BBC-ն:
Բարեփոխումների հիմնական կետերից մեկն ընտրություններում անցումային շեմի իջեցումն է 10 տոկոսից մինչև 5 տոկոս: Սա թույլ կտա ազգային փոքրամասնությունների կուսակցություններին անցնել խորհրդարան: Առաջինը դա վերաբերում է այն շարժումներին, որոնք ներկայացնում են քրդերը: Այս կազմակերպությունները զգալի ձայներ են ստանում երկրի հարավ-արևելյան շրջաններում, սակայն ընդհանուր արդյունքներով չեն անցնում խորհրդարան:
Բացի այդ, բարեփոխումներ կլինեն կրթական համակարգում: Եթե նախկինում օտարալեզու ուսուցումը երկրում արգելված էր, ապա այժմ փոքրամասնությունները հնարավորություն կստանան ուսումնառությունն իրականացնել մայրենի լեզվով:
