Թուրքիայի արտաքին գործերի նախարարությունը հերքել է որոշ լրատվամիջոցների այն տեղեկությունը, համաձայն որի Թուրքիան իբր փորձում է ստանալ Ադրբեջանի համաձայնությունը՝ Հայաստանի հետ սահմանը բացելու համար: Թուրքիայի արտաքին գործերի մամուլի քարտուղար Լևենթ Գյումրուկչուն ասել է, որ նման տեղեկությունը չի համապատասխանում իրականությանը: Այս մասին հաղորդում է Trend գործակալությունը:
Բաքվում Թուրքիայի դեսպանատանն ասել են, որ հայ-թուրքական բանակցություններն ընթանում են հայ-ադրբեջանական բանակցություններին զուգահեռ, ինչի մասին պաշտոնական Անկարան բազմիցս հայտարարել է:
