Թութանհամոնի դամբարանի կողքին կկառուցվի դրա նմանակը՝ հուշարձան զբոսաշրջիկների հոսքը թեթևացնելու համար

Թութանհամոնի դամբարանի կողքին նոյեմբերին կհայտնվի դրա նմանակը: Այս մասին տեղեկացնում է The Daily Mail-ը:

Հաղորդվում է, որ Եգիպտոս ժամանած զբոսաշրջիկները երկընտրանքի առջև կկանգնեն՝ վճարել և այցելել իսկական դամբարանը, կամ անվճար մտել դրա ճիշտ նմանակը: Այսպիսով, Եգիպտոսի իշխանությունները փորձում են պահպանել դամբարանը զբոսաշրջիկների այցելություններից ստացած անխուսափելի վնասից: Ինչպես նշվում է՝ չի բացառվում, որ մոտ ապագայում իրական դամբարան այցելությունները կարգելվեն:

Թութանհամոնի դամբարանի ճիշտ պատճենը ստանալու համար օգտագործվել են 3D սկաներներ: Նախագիծը իրականացրել է Factum Arte ընկերությունը: