Թեև թյուրքալեզու ժողովուրդներն ապրում են տարբեր պետություններում, նրանք միասնական ազգ են կազմում: Ինչպես տեղեկացնում է Anadolu գործակալությունը՝ այս մասին Բոդրումում կայացած Թուրքալեզու պետությունների համագործակցության խորհրդի 4-րդ գագաթնաժողովի ժամանակ հայտարարել է Թուրքիայի արտգործնախարար Ահմեթ Դավութօղլուն:
«Մեր ժողովուրդները, կառավարությունները և ողջ աշխարհը վկա են այն բանին, որ թյուրքալեզու ժողովուրդները, թեև ապրում են տարբեր պետություններում, բայց մեկ ազգ են համարվում», — նշել է Դավութօղլուն:
Նրա խոսքերով՝ եղբայրական ժողովուրդներին իրար կապող թելերը պիտի տեսնել ընդհանուր լեզվի, կրոնի, պատմության, մշակույթի և արժեքների մեջ:
